केरलेषु पुरातनकालादारभ्य मोहिनियाट्टनामकस्य नृत्तविशेषस्य प्राचुर्यं दृश्यते । पूर्वकाले देवालयेषु प्रचालितं दासियाट्टमपिमोहिनियाट्टस्य प्रकारभेद इति श्रूयते । अस्मिन् नर्तकी पदानामर्थान् भावस्फुरणैः हस्तमुद्राभिः च विशदीकृत्य अभिनयपूर्वंनृत्यति। इदानीन्तनकाले∫पि मोहिनियाट्टस्य प्राचुर्यं दृश्यते । समीपकालं यावत् मोहिन्याट्टे केवलं श्रृङ्गारस्य भक्तिरसस्य चप्रामुख्यमासीत् । किन्त्वधुना नवरसानामपि प्रामुख्यं वर्तते ।
वञ्चिराजवंशे १८१३ तमे वर्षे जातः गर्भश्रीमानिति प्रसिद्धिमाप्तः स्वातिमहाराजः अस्याः कलायाः प्रचारणविषये तत्परःआसीत्। तेन विरचितानि पदानि मोहिनियाट्टवेदिकासु मुखरिताः वर्तन्ते । महाकविः वल्लत्तोळ्, कलामण्डलंकल्याणिक्कुट्टियम्मा च अस्य कलारूपस्य आधुनिकपरिष्कर्तारौ भवतः ।
