तिरुवनन्तपुरे (अनन्तपुरी) श्रीपद्मनाभस्वामि देवालयस्य समीपे अट्टगृहे वर्तते मेत्तन् मणि नामिका भित्तिघटिका । 'कुलत्तूरान् ' नामकः शिल्पी एव अस्याः निर्माता इति श्रूयते । स महाशिल्पी 'सूत्रं आशारी' इत्यपि श्रूयते । अस्याः निर्माणकौशलं अतिविश्ष्टमेव । घटिकायां दारुनिर्मितं मनुजमुखं तथा मेषद्वयं च वर्तते । एकैकहोरानन्तरं मेषद्वयं मनुजकपोले शीर्षेण कुट्टयति । तदा मनुजमुखात् घण्टानादः बहिर्गच्छति च । मेत्तन् मणिं द्रष्टुं बहवः सञ्चारिणः च आगच्छन्ति । पश्यतु.....
